Para se të ulej në bordin e paqes krah presidentit Trump për Gazën, kryeministri Edi Rama udhëtoi drejt Jeruzalemit, ku u prit me nderimet më të larta shtetërore nga homologu Netanyahu. Dy lidërët bënë thirrje për çmontimin dhe shpërbërjen e Hamasit, gjatë fjalës në parlamentin izraelit, Knesset. Dublim Rama: “Xhelati i Gazës është Hamasi, askush tjetër përveç Hamasit. Ideologjia e tij e terrorit kundër vetë popullit të vetë dhe kundër kombit hebre, dogma e tij totalitare se asnjë jetë palestineze nuk vlen të jetohet derisa shteti i Izraelit të asgjësohet, derisa hebreu i fundit të zhduket nga toka e shenjtë. Prandaj derisa Hamasi të çmontohet e shpërbëhet plotësisht, dy milionë të burgosurit e tij nuk do të jenë të lirë dhe asnjë paqe nuk do të jetë dot jetëgjatë.” Dublim Netanyahu: “Gjatë këtyre dy viteve kemi vepruar fort dhe kemi paguar një çmim shumë të lartë, ne do të luftojmë ndaj çdo kujt që na sulmon. Sot kthyem edhe pengun e fundit. Por cila është faza tjetër? Faza tjetër është shpërbërja e Hamasit, është çarmatoja e Hamasit dhe çarmatoja e Gazës.” Rama dhe Netanyahu u ndalën edhe tek Irani, ku kryeministri shqiptar kujtoi ndërprerjen e çdo marrëdhënie diplomatike pas sulmit kibernetik ndaj infrastrukturës digjitale.