Kryeministri Edi Rama udhëtoi drejt Parisit ku do të pritet në pallatin Elysee, nga presidenti francez, Emmanuel Macron. Në fokus të bisedimeve dy palëshe pritet të jetë integrimi i Shqipërisë në Bashkimin Europian si dhe investimet franceze në Shqipëri. Perspektiva europiane kërkon që Shqipëria të intensifikojë punën për mbylljen e grupkapitujve të negociatave, ndaj reformat e ndërmarra në këtë kuadër pritet të diskutohen gjatë takimit në Francë. Po ashtu, sipas njoftimit të qeverisë franceze, Macron dhe Rama do të flasin për bashkëpunimin në fushat e arsimit, ekonomisë dhe energjisë, si dhe perspektivat e ofruara nga investimet franceze në Shqipëri. Ata do të bëjnë një bilanc të disa projekteve, mes të cilave liceu i ardhshëm francez në Korçë, nismat e mbështetura nga grupi AFD në fushat e energjisë dhe mjedisit, si edhe mundësitë e bashkëpunimit në sektorët e transportit, infrastrukturës dhe mbrojtjes. Me dy liderëve pritet të ketë edhe një drekë pune.