Në Seul, kryeministri Edi Rama u prit nga homologu i tij Korean, Kim Min-seok, me të cilin bisedoi për forcimin e marrëdhënieve mes dy vendeve. The Korea Times shkruan se gjatë takimit, kryeministri Kim u shpreh se mezi pret të zgjerojë shkëmbimet dhe bashkëpunimin me Shqipërinë, duke vënë në dukje se qeveria Rama ka emëruar atë që njihet si "ministri i parë i inteligjencës artificiale" në botë dhe se Koreja gjithashtu i kushton rëndësi inteligjencës artificiale dhe teknologjive të nivelit të lartë. Gjatë takimit, Rama e konsideroi Korenë e Jugut, një burim frymëzimi për Shqipërinë për sa i përket zhvillimit kombëtar dhe të dy vendet kanë shumë ngjashmëri, pasi kanë kapërcyer vështirësitë dhe kanë arritur zhvillim ekonomik dhe demokraci, edhe pse janë shumë larg gjeografikisht. Ai shtoi se Shqipëria është e interesuar në forcimin e bashkëpunimit në fushat e tregtisë, investimeve dhe inteligjencës artificiale.