Kryeministri Edi Rama vlerëson se ndërhyrje në kohë dhe me profesionalizëm e focave zjarrfikëse shmangi një bilanc që mund të kishte qënë edhe më tragjik në malin e Krujës, sikurse po ndodh për fat të keq në vende të tjera Europiane gjatë këtyre muajve përvëlues. “Ka përfunduar me vetëm një magazinë të shkrumbuar dhe asnjë banor të dëmtuar, një betejë e jashtëzakonshme me zjarrin në malin e Krujës, ku në praninë e erës dhe në pamundësinë e natës për të përdorur mjete zjarrshuajtëse nga ajri, trupat tona zjarrfikëse, ushtarake e policore u përballën me heroizëm e me aftësi të spikatur profesionale, duke shmangur një bilanc që mund të kishte qenë tragjik siç fatkeqësisht po ndodh në vende të tjera të Europës në këtë verë përvëluese.” Rama publikoi edhe një mesazh të mbërritur gjatë orëve të betejës me zjarrin në adresë të tij nga një qytetar.