Kryeministri Edi Rama ka reaguar lidhur me protesten e zhvilluar nga opozita këtë të shtunë. në një postim në platforëm X, kreu I qeverisë e quajti tubimin me situatën në Iran. “Shqipëria me botën e lirë kundër mullahëve të Teheranit, opozita shqiptare me plehrat kundër qytetarëve të Tiranës”, shkroi kreu I qeverisë duke ndarë dhe nje foto nga djegia e koshave të mbeturinave, Reagimeve iu bashkua dhe ministrja e Brendshme, Albana Koçiu e cila shumë shpejt do të marrë detyrën e zv/kryeministres. Ajo dënoi përplasjet tek Drejtoria e Policisë. “Të shkosh me molotovë në duar drejt godinës së Policisë së Shtetit nuk është një akt proteste, por një provokim i hapur dhe një dëshirë e ethshme për përshkallëzim, duke tentuar të delegjitimohet forca e ligjit përballë presionit të rrugës. Marshojnë si çlirimtarë në rrugët e kryeqytetit, ndërkohë që janë po ata vetë që shqiptarët i kanë lënë jashtë rrugës së politikës me votë.”, shkroi Koçiu. Ndërkohë Taulant Balla, kreu I grupit parlamentar të PS, vendosi në pikëpyetje drejtimin që, sipas tij, ka marrë sot forca kryesore opozitare. “Po si ka mundësi që Partia e cila lindi nga idealet e dhjetorit ’90, të përfundojë të ketë ideal djegien e kazanëve?!”, shkroi ai ndërsa theksoi se aktet e djegies së objekteve në rrugë dhe përshkallëzimi i protestës nuk përfaqësojnë frymën e Dhjetorit 1990, periudhë nga e cila lindi Partia Demokratike e Shqipërisë.