Kryeministri Edi Rama ka publikuar në rrjetin social ‘Facebook’ vlerësimin e sektorit të shëndetësisë të ”The Lancet” për shtetet në botë, duke theksuar se Shqipëria është vlerësuar me 70 pikë dhe mban atë më të lartin në rajon. Nuk ka vonuar shumë dhe i menjëhershëm ka qënë reagimi i Partisë Demokratike të cilët përmes Drejtorit të kabinetit dhe ekspertit të ekonomisë në PD shprehen se faktet nuk fshihen e se jemi vendi me numrin më të ulët të mjekëve për 1000 banorë në Ballkan, kemi pagat më të ulëta për mjekët, kemi buxhetin më të ulët për shëndetësinë dhe kryejmë disa herë më pak testime për COVID se çdo vend i rajonit. Sipas Telitit, raporti qe ka publikuar Rama tregon vetëm shkallën e vaksinimit të popullsisë, por kryeministri kërkon të bindë shqiptarët se shëndetësia shqiptare qenka më e mirë edhe se ajo e Turqisë. Shëndetësia në 3D e ER është çështje e kinemasë, jo e realitetit, shkruan ne postimin e tij Teliti. Realiteti thotë që shqiptarët vdesin trotuareve të refuzuar dhe të përzënë nga spitalet. Realiteti i shëndetësisë të Rames thotë që mjekët dhe infermierët ikin nga sytë këmbët nga ky vend, ndërsa diploma e studentit të mjekësisë shërben thjesht si vizë pune në Gjermani, - mbyllet reagimi i Partise Demokratike.