Kryeministri Edi Rama premton një shtet më social për të adresuar shqetësimet e qytetarëve, që nga strehimi, deri te ushqimet. Kemi përcaktuar një sërë piketash për çdo sektor. Jemi përqendruar shumë te shëndetësia dhe arsimi, te krijimi i një zinxhiri, i cili do të jetë zinxhiri i Shqipërisë Sociale. Është e rëndësishme dhe ka qenë gjithmonë. Fillon e bëhet e mundshme sepse janë shtuar mundësitë. Një Shqipëri Sociale në gjërat që lidhen me cilësinë e jetës së qytetarëve. Sot është cilësia e jetës, jo mbijetesa. Kemi folur për çmimet. Jetojmë në një sistem ku nuk kemi asnjë praktikë të përcaktimit të çmimeve nga shteti, por kemi një plan për të bërë transparencë për qytetarin lidhur me çmimet e ushqimeve bazë, që do ta prezantojmë kur të jetë i konsoliduar. Kreu i qeverisë foli pas mbledhjes maratonë me ministrat këtë të hënë në Pogradec. Përmes një video-mesazhi në rrjetet sociale, Rama e konsideroi dhuratë protestën dhe premtoi reflektim edhe për kërkesat e protestuesve.