Kryeministri Rama ftoi në një tryezë diskutimi përfaqësuesit e biznesit me në fokus shkurtimin e hallkave burokratike dhe përmirësimin e klimës së biznesit. Shqetësimit të ndërtuesve për rritjen e barrës fiskale si pasojë e rritjes së çmimeve të referencës në kryeqytet me vendim qeverie, Rama iu përgjigj duke iu kujtuar se deri më tani sektori i ndërtimit ishte i prekur masivisht nga evazioni fiskal. Përfaqësuesi i Shoqatës së Ndërtuesve: “Më kryesorja është miratimi i VKM 457 të datës 26 korrik 2023, e cila ka të bëjë me rritjen e cmimt të referencës dhe në përgjithësi nuk kemi kundërshtim me referencën, por pasojat që na sjell në zinxhirin e taksave e ka rritur taksën në qytetin e Tiranës. Gjithashtu kemi edhe disa probleme të tjera që kërkojmë përgjigje, taksa e dheut, VKM për sigurimin e detyrueshëm, kosto për eficensën teknike, taksë që nuk mbaron asnjëherë. Taksa e kontribimit social dhe VKM, janë dy më të rëndësishmet.” Edi Rama: “Cfarë nuk kishit parashikuar? Që shteti të mos ju thoshte të mos vazhdoni të deklaroni shitje shumë nën faktin, këtë nuk kishit parashikuar. Po cfarë? Do gënjenit shtetin me planin e biznesit pa mbarim? Do shisnit apartamente me 2 mijë euro dhe do i shisnit apartamente me 850 euro? Plan biznesi e keni edhe evazionin? Cmimet e references jane vene ne bazen e tregut. Nuk eshte e veshtire ta merresh vesh sa shitet metri katror. është vënë nje vlere qe bazohet ne cmimet reale te tregut”