Kryeministri Edi Rama dhe kryebashkiaku Erion Veliaj ishin sot në një familje në Lanabregas, në familjen e Behar Lanës, e cila u be me shtepi te re. Gjatë bashkëbisedimit Veliaj foli mbi punimet në shkollën e re “Sami Frashëri”, per te cilin tha se disa eksponente te opozites kishin ndertuar trillime, sipas tij, se do të shkonte në Paskuqan. Ndërsa nuk munguan batutat edhe nga kreu i qeverisë teksa shfaqi habi nga deklaratat e kampit opozitar. Pjesë nga bashkëbisedimi Rama-Veliaj Veliaj: Kryetar ne sa mbaruam gjithë pilotat te “Sami Frashëri”. Kështu që tani fillojmë me themelet. Është bërë gjithë pilotimi i zonës. Janë mërzit cik ata në Paskuqan se ishim mpref që do shkonte shkolla atje. Kështu që u desh të sqaronim që ishte e gjitha pjesë e asaj tollovisë që ndodh çdo javë. Rama: Pse kishin menduar këta që do shkonte shkolla në Paskuqan?! Veliaj: Ne patëm edhe nga prindërit e “Sami Frashërit” peticion që mos shkojë shkolla në Paskuqan. Rama: Eh ça na ka gjet! Veliaj: Domethënë një politikan mund të thotë një idiotësi dhe merr më qafë një komunitet të tërë. Tani mbaruan pilotat dhe me mbarimin e pilotave mbarojë edhe ajo varja te kangjellat e Samiut nga politikanët. Dhe atë ju them nëse ambicia juaj është të punoni brigadier në bashki keni vend për punë. Rama: Larg qoftë t’i marrësh këta brigadierë!