Kryeministri Edi Rama nuk pranoi të komentojë hetimet e SPAK për çështjen ‘Ahmetaj’ por pati një mesazh indirekt. Rama theksoi se është krenar për 3 inceneratorët, por çdokush që mund të ketë futur diçka në xhep, mban përgjegjësi individuale. Të vërtetat individuale të gjithësecilit, janë individuale. Janë tre vepra, në Fier, në Elbasan dhe në Tiranë për të cilat 100 herë të kthehesha mbrapsht, 100 herë do thoja se duhej të ishin bërë. Ajo e Elbasanit, është pronë e komunitetit tanimë, ajo e Fierit është e destinuar të jetë pronë e komunitetit. Ajo e Tiranës e ka shpëtuar kryeqytetin nga plehrat. Nëse ne nisemi në betejë dhe rrugës dikush këput edhe dardha e mollë për t’i futur në trasta pas shpinës time, kjo është një çështje që ka të bëjë me drejtësinë. Nuk mund të bëhen spekulime dhe komente mbi copa të dhënash të cilat janë të gjitha për t’u hetuar…