Deklaratave te opozites ne lidhje me borxhin publik, Kryeministri Edi Rama ka zgjedhur t’u pergjigjet mengjesin e se merkures me publikun e nje grafiku. Përmes një postimi në rrjetet sociale, Rama tha se ata që e zhytën Shqipërinë në borxhe kanë një dallim të madhe me ne, teksa publikon shifrat ne lidhje me vorxhin publik, duke e krahasuar ne vite. "Mirëmëngjes dhe meqë dëgjoni llafe shumë për Borxhin Publik nga ata që e zhytën Shqipërinë në borxhe ndaj sipërmarrjes, shëndetësi, arsim e deri edhe ndaj personave me aftësi të kufizuar, të prekurve nga përmbytjet, e madje edhe bebeve të porsalindura që i lanë pa mikrobonusin 5 mijë Lekë, njësoj si rrugët e lëna rrugëve, me këtë krahasim fare të thjeshtë për ta kuptuar dallimin e madh mes tyre e nesh, ju uroj një ditë të mbarë", shkruan Rama. Pas publikimi te ketyre shifrave nga kreu I qeverise nuk ka vonuar reagimi nga selia blu. Ish-deputeti i PD-së, Dorjan Teliti, ka kundërshtuar kryeministrin Edi Rama. Sipas Telitit, në periudhën 2006-2013 borxhi publik u rrit me vetem 10% të PBB-së, ndërsa gjatë periudhës 2014-2020, borxhi u rrit me 29% të PBB-së. “I vetmi investim i plotë që keni kryer është bypass Fier prej 22km. Familjet shqiptare sot kanë një borxh 50% më të lartë sesa 7 vite më parë”, deklaron Teliti mes të tjerash.