Protestat që kanë nisur në vend kanë marrë dhe vëmendjen e BBC, që në një artikull të gjatë ka bërë një panoramë të gjerë të të gjithë situatës. "Jam këtu për shkollat tona", i tha BBC-së një protestuese e re e quajtur Helena. "Jam këtu për spitalet tona, jam këtu për infrastrukturën tonë, jam këtu për familjen time që është jashtë [Shqipërisë] dhe donte të ishte këtu. Dhe për të gjitha këto, jam kryesisht këtu për veten time, sepse dua të qëndroj në vendin tim dhe nuk dua të largohem.", shtoi një tjetër ndërsa horizonit I Tiranës shkruan BBC ëshë transformuar është transformuar, me një mori kullash të projektuara kryesisht nga arkitektë ndërkombëtarë. “Në të njëjtën kohë, industria e turizmit ka lulëzuar - duke transformuar imazhin ndërkombëtar të vendit dhe duke përbërë më shumë se një të pestën e PBB-së. Ndoshta më mbresëlënësi nga të gjitha është se Shqipëria ka bërë përparim të konsiderueshëm drejt anëtarësimit në BE. Nga një fillim i qëndrueshëm në vitin 2022, ajo është në rrugën e duhur për të përfunduar negociatat e pranimit deri në fund të vitit të ardhshëm. Nga gjashtë vendet në Ballkanin Perëndimor, vetëm Mali i Zi është më përpara - dhe ka qenë në bisedime për një dekadë më gjatë.”, shkruhet në artikull. Por kryeministri në reagimin e dhënë për BBC, i cilësoi protestat si shenjë e një shoqërie të shëndetshme dhe demokratike. “E kam thënë që nga dita e parë: Dua një drejtësi që nuk duket majtas, nuk duket djathtas, por duket drejt. Drejtësi që nuk mund të blihet, nuk mund të ushtrohet presion dhe nuk mund të kontrollohet nga distanca. Dhe kam thënë gjithashtu se ky është kontributi më i madh që Partia Socialiste do t'i japë këtij vendi, sepse nuk do të kontribuojë vetëm duke bërë reforma, por duke i dhënë lëkurën e vet vendit.", tha Rama. Por nga ana tjetër Marjana Koçeku, tha për BBC se kryeministri është problemi që kanë shpërthyer protestat. "Ai nuk i frymëzon më njerëzit - dhe mendoj se kjo e çoi atë në një krizë të madhe legjitimiteti. Më duhej pak kohë për të kuptuar se përtej këtyre fasadave të bukura që duken kaq të bukura dhe të shndritshme, realiteti nuk është i njëjtë. Dhe njerëzit po e kuptojnë këtë çdo ditë e më shumë.", tha ajo.