Kryeministri Edi Rama reagoi pas miratimit të raportit për Shqipërinë nga Parlamenti Europian, duke theksuar se ndau ‘shapin’ stuhisë digjitale të dizinformimit për Zvërnecin nga “sheqeri” i zonës së mbrojtur Vjosë - Nartë, e cila, sipas tij, nuk ka asnjë lidhje me zhvillimin që europarlamentarët e rrëzuar me votën e shumicës dërrmuese, futën qorrazi si amendament të Rezolutës për Shqipërinë. Ja edhe PARLAMENTI EUROPIAN e ndau “shapin” e stuhisë digjitale të dizinformimit për Zvërnecin nga “sheqeri” i zonës së mbrojtur Vjosë - Nartë, e cila nuk ka asnjë lidhje me zhvillimin që europarlamentarët e rrëzuar me votën e shumicës dërrmuese, futën qorrazi si amendament të Rezolutës për Shqipërinë. Tani o është çmendur dhe korruptuar krejt Europa, që përmes Parlamentit të saj e vlerëson lart Shqipërinë dhe nxit anëtarësimin tonë sa më parë në BE, o ka diçka që nuk shkon me ata që e nisën protestën e javëve të fundit me mbrojtjen e flamingove dhe po e bitisin si luftë për pushtet në emër të flamingove! Kreu I qeverisë shkruan se “në çdo rast flamingot do të mbrohen, Vjosë-Narta do të mbrohet,” ndërsa thekson se “Zvërneci do të zhvillohet bazuar në një Vlerësim të Ndikimit në Mjedis sipas standarteve të Bashkimit Europian”, Por këtij qëndrimi iu kundërpërgjigj kreu I grupit parlamentar I PD, Gazment Bardhi duke përgënjeshtruar qëndrimet e tij. Sipas Bardhit Parlamenti Europian mbështet kërkesat e protestuesve dhe bën thirrje për të shfuqizuar ndryshimet në ligjin për zonat e mbrojtura.