Kryeministri Edi Rama i dërgoi një paralajmërim të hapur kontrollorëve të trafikut ajror, greva e të cilëve paralizoi punën në aeroportin e vetëm ndërkombëtar të vendit. Teksa ministrja Balluku nuk përjashtoi më herët edhe masat ligjore, shefi i ezekutivit u tregoi si fillim vendin e punës. Kush nuk kthehet të kryejë detyrën e tij, të mos paraqitet më! “Apel për kontrollorët e Rinasit: Ndahuni nga ata që ju futën në këtë lojë të çmendur me zjarrin! Braktisini në rrugën e tyre qorre organizatorët e kallzuar penalisht! Kush nuk kthehet në punë, nuk do gjejë më vend në Albcontrol. Koha e Rrumpallës ka vdekur dhe nuk kthehet!” , ka shkruar kryeministri. Sindikata e Pavarur e Kontrollit Ajror duket se i ka drejtuar më parë disa letra institucioneve, përfshirë dhe kreun e ekzekutivit ku ankohej se u shkruante se situata e uljes së pagave është e paprecedentë, e i ka shtuar punonjësve stresin në punë. Ne letrën e shkruar në 22 shkurt, theksohej se vendimi për uljen e pagave ishte marrë vitin e kaluar dhe efektet financiare të tij kanë nisur që në datën 1 prill 2020. Vendimi, nga sa pohohej aty, është marrë pa asnjë konsultim me sindikatën, ndërkohë që Alcontroll kishte marrë financim 50% nga EuroControl, financim ky që sipas sindikatës bën të mundur vazhdimësinë normale të pagesës së pozicioneve esenciale të punës, praktikë e zbatuar në të gjitha qendrat e trafikut ajror në Europë.