Kryetari i Partisë Demokratike, Sali Berisha u bëri thirrje anëtarëve, mbështetësve dhe simpatizantëve që të mbështesin protestën e të rinjve kundër qeverisë. ajo kërkesë e qytetarëve për largimin e tij është kërkesa më legjitime. Ndaj dhe çdo demokrat e demokrate, çdo mbështetës dhe mbështetëse e jonë duhet të mbështesë me të gjitha mënyrat atë protestë. Duhet ta mbështesë kësaj here pa simbolet e partisë. Le të jenë rinia, sepse është protestë qytetare, rinore. Ndaj dhe ftesa ime është që çdo mbështetës, çdo simpatizant, çdo anëtar dhe anëtare e Partisë Demokratike duhet të jetë në protestë. Protestën do ta themi më rinore, më qytetare që ka parë vendi gjer sot. Kështu është ajo. Asnjëherë dhe në asnjë rrethanë nuk duhet që gjethet të na pengojnë me pa madhështinë e trungut. Dënojmë me forcën më të madhe etiketimet që u bën Edi Rama protestuesve duke shfrytëzuar dhe keqinterpretuar thirrjet e tyre. Berisha foli në mbledhjen periodike të grupit parlamentar të Partisë demokratike, ku tha se Edi Rama nuk ka legjitimitetin për të drejtuar vendin dhe përsëriti akuzën se zgjedhjet e vitit të kaluar u mbajten në kushtet e një partie-shtet dhe ishin një farsë.