Kryeministri Edi Rama po vijon turin e tij në Japoni. Kreu I qeverisë gjatë kësaj të premteje zhvilloi një takim me Ligën Parlamentare të Miqësisë Japoni-Shqipëri, “Takim me Ligën Parlamentare të Miqësisë Japoni–Shqipëri, të kryesuar nga Minoru Kiuchi, Ministër për Strategjinë e Rritjes së Japonisë, me mbështetjen e pakursyer të të cilit po punojmë me sukses për rritjen e kontakteve dhe shkëmbimeve mes dy vendeve”, shkroi Rama në Facebook. Kryeministri gjatë qëndrimit të Tokjo do të zhvillojë një takim me homologun e tij japonez si dhe me Kryetarin e Dhomës së Përfaqësuesve. Gjatë qëndrimit, Rama pritet të vizitojë edhe Universitetin e Kombeve të Bashkuara në Tokio, ku do t’u drejtohet pjesëmarrësve në një panel diskutimi me titull “Rruga e Shqipërisë drejt Anëtarësimit në BE: Roli i Japonisë”. Shefi i ekzekutivit do të marrë pjesë gjithashtu dhe në një tryezë të rrumbullakët me drejtuesit e Federatës Japoneze të Biznesit për prezantimin e potencialit ekonomik të Shqipërisë dhe inkurajimin e investimeve japoneze në vend. Pak ditë më parë kryeministri ishte dhe në Sul, ku u takua me homologun e tij koreanojugor Kim Minseok.