Për Kryeministrin Edi Rana aspirate e Shqipërisë mbetet që të jetë pjesë e bashkimit europian. Përpara studentëve në kolegjin e Europës në Bruzh, kreu I qeverisë tha se duhen më shumë ura se kufij ndarës pasi integrimi është më shumë zgjerim. Pa BE mund të ishim ende duke pritur për qindra vite duke ndërtuar institucione. Ky është një bekim që ne në Shqipëri dhe rajon e kemi. Këto nuk janë ditët më të mira për Europën dhe Bashkimin Europian. Më shumë se integrim është zgjerim. Mos harroni që BE është realiteti i parë në historinë e hartave me dy kufij; një të jashtëm dhe një të brendshëm. Brenda këtij kufiri të brendshëm jemi ne, Ballkani, si një fetus në mitrën e një gruaje shtatzënë. Mendoj që së fundmi jemi në rrugë të mbarë, jam i sigurt që Federica (Mogherini) është më e lehtësuar sepse e la Brukselin me një premtim të brendshëm për të mos u kthyer kurrë dhe erdhi në Bruzh për të gjetur strehë në sytë e një brezi të ri një mesazh në distancë Rama e pati dhe për Nigel Farage, dhe pse nuk e përmëndi këtë të fundit, ai preku akuzat e bëra nga ligjvënësi britanik dhe partia e tij në drejtim të shqiptarëve. Ata që vijnë nga mbarë Europa e kuptojnë realisht se Shqipëria është vendi me vjedhjen më të ulët të shtëpive në Europë. Anglia thotë po, sepse shqiptarët kanë ardhur tek ne. Kështu bën kur largohesh nga BE, flet shumë gjepura. Merr pak kamomil para se ta dëgjosh, që mos të zërë depresioni. Nëse nuk jeni një prej atyre që keni ardhur, atëherë ejani. Është një vend që ia vlen ta vizitosh Një ftesë vizite në Shqipëri kreu I qeverisë e pati dhe për të gjithë studentët e pranishëm në auditor, duke u premtuar se nuk do të zhgënjehen nga bukuritë trojeve shqiptare.