Kryeministri Edi Rama, vizitoi të mërkurën, Shtetin fetar të Athosit dhe Manastirin e Shenjtë të Madh të Vatopedit. Rama së bashku me djalin e tij Gregorin dhe kryebashkiakun e Himraës Vangjel Tavo, sipas mediave greke, mbërriti herët në mëngjes në portin e Dafnit dhe më pas zhvilloi një takim me Guvernatorin Civil të Malit Athos, Alkiviadhis Stefanis. Më pas, ai u drejtua për në Manastirin e Shenjtë të Madh të Vatopedit, ku u prit nga igumeni, Plaku Efrem i Vatopedit, dhe nga vëllazëria fetare e Vatopedit. Kryeministri shqiptar, me këndvështrimin e tij artistik, u shpreh i impresionuar nga arkitektura e manastirit, si edhe nga pikturat, duke shprehur admirimin e tij, shkruajnë mediat greke. Gjithashtu, ai deklaroi se është i njohur me Filokalinë Athonite dhe me traditën e pasur të Shtetit fetar të Athosit. Edi Rama madje kaloi natën në Manastirin e Shenjtë të Madh të Vatopedit dhe u largua mëngjesin e kësaj të entjeje.