Kryeministri Edi Rama, ka ironizuar me kontratën e lobimit në interes të Partisë Demokratike, të nënshkruar nga Fondacioni MAGA në SHBA, me një shifër prej 6 milionë eurosh nëse do të zgjasë për 2 vite, apo 250 mijë euro në muaj, në rast se do të vendoset të ndërpritet. “Aritmetika ka hyrë në një histori të panjohur, 7x7=42 habiteshim dhe qeshnim, po s’kishim parë asgjë, se u bë 7x7 =6 mln, me këtë kontratën e patriotëve, që befasisht 3 patriotë nga e njëjta familje u lindi në zemër të nxjerrin 6 mln që të mbrojnë Shqipërinë nga unë dhe nga ju dhe të tregojnë në Amerikë se sa e bukur është këneta. Është e habitshme se si pastaj, në kënete thuhet ca janë këto 6 mln, këto s’janë asgjë me çfarë ka bërë narko regjimi, çfarë ka bërë Rama me qeverinë, është fundi ky” Rama u ndal edhe tek turizmi në Gjirokastër.