Kryeministri Edi Rama deklaroi në konferencën e përvitshme të organizuar nga Qeveria greke dhe revista The Economist se ka vetëm një rrugë të qartë për rajonin, e ajo është rruga drejt Bashkimit Europian. Ne nuk kemi një alternativë tjetër, e vetmja është të jemi pjesë e Bashkimit Europian. Jo sepse na e kërkojnë miqtë e fuqishëm, por sepse kjo është një kërkesë e fëmijëve tanë, e brezit të ardhshëm, është ëndrra e etërve tanë. Në Ballkanin Perëndimor, prej kohësh jemi përfshirë në bashkëpunim. Edhe pse ka cështje të tilla si mos njohja e Kosovës nga Serbia, ne sërish kemi qenë në gjëndje të ulemi dhe ta diskutojmë të ardhmen tonë bashkë. Këto janë kohë disi më të vecanta, sepse jemi goditur të gjithë nga kjo pandemi dhe sipas parashikimeve, rajoni ynë do të jetë më I prekuri prej saj. por besoj se ka potencial për të çliruar, për të ecur përpara e për të mbyllur hendeqet e së shkuarës. Mendoj se lajmi i mirë është që mosmarrveshjet mund të zgjidhen së bashku me dialog. Është I vetmi instrument, e këtu mund të përmend një nga shembujt më të jashtëzkonshëm të kësaj kohe, zgjidhjen e Maqedonisë së Veriut dhe Greqisë, një situatë ku ti shkon kundër tabuve.