Asambleja Kombëtare e Partisë Socialiste u mblodh në Gjirin e Lalzit, nga ku kryetari Edi Rama shpalli synimin e të majtëve për të pasur 50 mijë anëtarësime të reja deri në qershor të këtij viti. Teksa socialistët përgatiten për zgjedhjet parlamentare të vitit 2025, Rama prezantoi prioritetet qeverisëse, mes të cilave edhe rilindja e industrisë ushtarake. Sinkron Rama: “Ne duhet të investojmë më shumë në mbrojtje. Ky është një angazhim që kemi marrë si vend i NATO-s, por ky është edhe një moment tjetër historik për rrethanat e krijuara që na e imponon këtë për ta bërë me mendësinë dhe me standartet e NATO-s, duke hapur kapitullin e investimeve të mëdha private në industrinë moderne ushtarake, siç kanë bërë të gjitha vendet e NATO-s dhe siç bëjnë të gjitha vendet që e shikojnë mbrojtjen si një prioritet.” Rama e konsideroi absurd vendimin për vendosjen e portit të Limionit nën sekuestro preventive.