Kryeministri Edi Rama u ka dërguar sërish mesazh naftëtarëve të Ballshit që janë future në grevë urie për rrogat e pamarra. Kreu I qeverisë ka ritheksuar edhe njëherë apelin e tij për ndërprerjen e grevës nga naftëtarët, si kusht për t’u ulur në tavolinë me qeverinë për të gjetur një zgjidhje të mundshme ‘Unë jo vetëm nuk po hesht por po përsëris çdo ditë: Ndalni grevën dhe ulemi diskutojmë për hallin tuaj! Nuk ka negociata me presione e me ultimatume në një familje, po ka qarje halli me logjikë e me zemër të hapur! E thjeshtë:Dilni nga greva dhe do vij unë vetë tek ju menjëherë.’, shkruan Rama në apelin e tij nëpërmjet rrjeteve sociale. Kujtojmë se protesta e naftëtarëve të Ballshit në formën e grevës së urisë ka hyrë në ditën e 25-t. Naftëtarët që e nisën grevën, pa rëndimit të gjendjes shëndetësore, e ndërprenë atë, por tashmë në vend të tyre kanë hyrë gratë. Dita e sotme është e 8-te që gratë e naftëtarëve po vazhdojnë grevën e urisë. Ato kanë deklaruar se kërkojnë një zgjidhje nga qeveria për pagat e prapambetura dhe rifillimin e punës në rafinerinë e naftës në Ballsh.