Fredi Beleri u bë kryebashkiaku i parë që zgjidhet nga qelia. Pas numërimit të votave, hapi i radhës është mandatimi nga ana e Komisionit Qendror të Zgjedhjeve për të drejtuar Himarën për katër vitet e ardhshme…nëse do të arrijë ta drejtojë. Janë dy mundësi që Beleri ta mbyllë mandatin e sapofituar para kohe. Së pari, nëse gjykata e shpalla fajtor për korrupsion aktiv në zgjedhje me vendim të formës së prerë. Mundësia e dytë është që mandati t’i ndërpritet me vendim të Këshillit të Ministrave pa pritur vendimet e gjykatave. Precedentë nga e kaluar të kryebashkiakëve të akuzuar dhe më pas të shkarkuar me vendim qeverie pa pritur vendimin e gjykatave ka disa. Dy janë më analogët, Fatos Tushe i Lushnjes dhe Lefter Alla i Bulqizës.