Teksa ish kryeministri Sali Berisha zhvilloi një takim në Lezhë, me rastin e themelimit të PD-së në këtë qytet, dhe paralelisht kryeministri Edi Rama në një dalje për mediat rikujtoi 31 vjetorin e Forumit të Rinisë Eurosocialiste të Shqipërisë, Partia Demokratike ka publikuar një video ne Facebook, ku përmend pothuajse të njëjtat gjëra. Në postimin e publikuar në faqen zyrtare të PD-së thuhet se Edi Rama, Ilir Meta dhe Sali Berisha kanë dalë hapur tashmë kundër PD dhe Lulzim Bashës. Më tej thuhet se ata e dinë që janë e shkuara dhe mundohen të mbajnë njëri-tjetrin. Partia demokratike ka sjellë edhe njëherë në vemendje trekëndëshin e Bermudës dhe oligarkët, ndërsa shkruhet se Berisha, Meta dhe Rama i mbështesin hapur ato me aktet dhe retorikën e tyre përçarëse të demokratëve. Atyre ju intereson qëndrimi në vendnumëro, ju intereson Shqipëria e së shkuarës, jo e së ardhmes. Demokratët dhe Shqiptarët janë bashkë në këtë betejë kundër pakicës 30-vjeçare të tranzicionit që po e mban Shqipërinë peng, përfundon postimi i partisë opozitare.