Giorgia Meloni është kryeministrja që ka shërbyer për një kohë më të gjatë pa ndërprerje në Itali që nga koha e Benito Mussolinit. Që nga marrja e detyrës në tetor 2022, ajo ka parë kryeministra në Britani, Francë dhe Holandë të vijnë e të shkojnë. Duke u ngjitur në pushtet si një populiste e ekstremit të djathtë, ajo ka riformësuar politikën italiane dhe e ka vendosur veten në qendër të saj. Në kuadër të kësaj dite histroike për qeverinë italiane, kryeministri Edi Rama uroi homologen e tij, e cila vijon në detyrë prej më shumë se 1413 ditësh. Giorgia, po lexoj se nga sot je në krye të qeverisë më jetëgjatë në historinë e Republikës Italiane. Po me të vërtetë? Qenkam mësuar keq unë duke ndërruar bashkëbisedues në Romë pothuajse me ritmin e ndërrimit të trajnerëve të Milanit. E megjithatë, shiko sa gjë e çuditshme, demokracia italiane nuk duket aspak në rrezik, pavarësisht gjithçkaje që sidomos ne në të majtë kishim parashikuar kur ti mbërrite në Palazzo Chigi me pantallona të zeza. Më kujtohet madje se edhe Ursula në atë kohë u shqetësua jo pak. Sot ndërkohë edhe ajo do të jetë shumë e lumtur për këtë rekord tëndin. Sepse në vend që të marshoje mbi trupin e Evropës, siç trembeshin, e përqafove Evropën dhe madje e ndihmove të kuptojë më mirë disa gjëra: në çështjet e sigurisë, emigracionit ilegal natyrisht.