Kërkesa e protestuesve për t’u dorëhequr, për kryeministrin Edi Rama është një keqkuptim I madh pasi ai dhe qeveria do të vijojnë të qëndrojnë në krye të detyrës deri në vitin 2029. Në një reagim në platformën X pas prezantimit të dokumentit strategjik të quajtur ‘Besa’ dhe qëndrimit të mbajtur prej grupit të protestuesve që vijon tubimet prej afro dy muajsh në bulevard, kreu I qeverisë thotë se askush prej tyre nuk e ka votuar dhe se nuk ka ndërmend ta prish kontratën me 800 mijë qytetarë. Përsërisin që s’duan “dialog”, s’ka “negociata”, s’japin “besë” po duan vetëm dorëheqjen time! Keqkuptim i madh. Asnjë prej tyre s’më ka dhënë votë, me asnjë prej tyre s’kam kontratë dhe për asnjë prej tyre e as për të tërë ata bashkë s’më ka shkuar asnjëherë ndërmend të prish kontratën me 800 mijë shqiptarë, ndër të cilët edhe plot flamingo! Fjala ime ishte për mësimet që mora nga flamingot dhe i drejtohej atyre, jo puplave të zeza që mblidhen çdo natë në bulevard pas shtegtimit të flamingove. Ndërsa e etiketon grupin e protestuesve sorra e korba, Rama thotë se dokumenti strategjik Besa nuk ka lidhje me ta dhe se munda ta vijojnë protestën poshtë dritares së kryeministrisë deri në vitin 2029.