Kryeministri Edi Rama mbërriti këtë të martë në Emiratet e Bashkuara Arabe për të marrë pjesë në javën e zhvillimit të qëndrueshëm. Kreu i Qeverisë tha se vizitoi Abu Dhabin për të marrë pjesë në këtë forum me ftesë të presidentit Sheik Mohamed bin Zajed al Nahjan. Rama thotë se qëllimi i kësaj vizite janë diskutimet mbi projektet e përbashkëta mes dy vendeve në fusha të ndryshme për zhvillimin e qëndrueshëm. Kryeministri e konsideron Sheik Mohamed bin Zajed al Nahjan si një mik të madh të Shqipërisë. Gjatë qëndrimit në Abu Dhabi, Rama është nderuar me medaljen më të lartë të Emirateve, që ai e konsideroi një vlerësim të madh për të dhe që bën krenar Shqipërinë. Nga vendet e rajonit, në këtë aktivitet përfaqësohej Serbia me Presidentin Aleksandër Vuçiç dhe Mali i Zi përmes Kryeministrit Milojko Spajiç.