Në një intervistë për mediat malazeze, kryeministri Edi Rama ka folur për situatën e sigurisë në Ballkanin Perëndimor dhe tensionet në Kosovë, duke thënë se bota po jeton në kohë të vështira. Për kreun e qeverisë, Ballkani perëndimor nuk ka qenë kurrë në pozicion luftarak. Tani, thotë Rama, po punohet shumë fortë që ky rajon të mos jetë një vatër konfliktesh.Rama u ndal gjatë tek marrëveshja franko-gjermane që i është propozuar Beogradit dhe Prishtinës si dhe marrëdhëniet e tij me presidentin e Serbisë, Aleksandër Vuçic, për të cilin thotë se tregoi respekt ndaj kërkesës së ndërkombëtarëve për të arritur sa më parë një marrëveshje me Kosovën.