Për herë të parë nis programi i mbështetjes financiare për 50 mësues, që do të zgjerohet më pas në Greqi, por edhe në shtete të tjera. Kryeministri edi rama tha se ky është vetëm fillimi i kësaj nisme. Ky është vetëm fillimi, është vetëm grupi i parë i dallëndysheve që lajmërojnë këtë pranverë të gjuhës shqipe në Greqi dhe sigurisht që ne kemi mësuar shumë nga i gjithë ky proces. E dimë që nuk është thjeshtë çështja e identifikimit dhe regjistrimit të mësuesve dhe pagës së mësuesve nga shteti shqiptar, por ka edhe disa element të tjerë që duhen marrë parasysh dhe duhen adresuar dhe ne do t’i bëjmë këto me bashkëpunim të ngushtë me ju dhe ambicia jonë është që këtë numër të rrisim në mënyrë ndjeshme dhe faktikisht të arrijmë në një nivel që të mos kemi më zonë të pambuluar me mundësinë për të mësuar gjuhën shqipe, ky është objektivi.