Kryeministri Edi Rama mbrojti Paketën e Maleve nga kritikat dhe shprehu vendosmërinë për të çuar deri në fund atë, paravërisht kundërshtimeve. Përmes një video-mesazhi të ndarë me ndjekësit në rrjetet sociale nga makina rrugës për në zonën e Thethit, kreu i Qeverisë tha se Paketa e Maleve do të jetë një histori suksesi. Sipas Ramës, janë me mijëra emigrantë që kanë shfaqur interesin për Paketën e Maleve. rama - Janë pafund ata që e kanë tanimë të qartë që malet, që territoret e zonave rurale që janë larg qendrave të zhvillimit janë një potencial i jashtëzakonshëm për ekonominë familjare duke hapur derën e një shtepie, si bujtinë. Për ta është mundësia që me paketën e maleve të bëjnë realitet këtë. Mijëra emigrantë kanë shprehur interes për paketën e maleve, sepse duan të investojnë dhe turizmi është histori suksesi ekonomik dhe paketa e maleve është politikë për njerëzit. Për të drejtën e pronës, zhvillimit të pronës, i shkon përshtat të gjithë atyre që nuk e kanë kthyer dot në një asset financiar, titull me të cilin të shkojnë në një bankë. Kryeministri thotë se paketën nuk po e kundërshtojnë të zotët e tokës, por persona që nuk kanë lidhje me malet.