Qeveria nuk do të kërkojë më zgjatjen e afatit të ligjit për investimet strategjike, një ligj i miratuar në vitin 2015 si i përkohshëm, por që iu zgjat afati tre herë me arsyetimin se drafti përfundimtar i ligjit për investimet nuk ishte gati. Vendimi e komunikoi Kryeministri Edi Rama gjatë konferencës me gazetarët e huaj ditën e martë. Rama mbrojti ligjin dhe tha se vendimi për moszgjatjen e afatit të tij nuk lidhet me protestat, ku një prej kërkesave është shfuqizimi i tij. Dubël rama - “Ligji kurrë nuk ka qenë i padrejtë, por gjëja e mirë është që do ta lëmë jashtë sepse e ka përmbushur misionin e vet. Ky ligj na ndihmoi të sjellim investime në Shqipëri që përndryshe nuk do të kishin ardhur kurrë. Sot, megjithatë, nuk kemi më nevojë për të sepse kapitali po vjen Nuk është se po luftojmë për të, nuk është se do të themi që vlerësimi i BE-së është i gabuar, thjesht do ta lëmë jashtë. Nuk ka të bëjë me asgjë çfarë ndodh në rrugë. Nuk ka të bëjë me asgjë që sillet përreth kësaj historie”.