Dy zëvendësministra të Punëve të Jashtme do të largohen nga detyra për të vijuar karrierën e tyre profesionale në selitë diplomatike të Shqipërisë jashtë vendit. Zëvendësministri Besart Kadia propozohet nga qeveria për të shërbyer si ambasador i Shqipërisë në Azerbajxhan. Pak muaj më parë Kadia ishte pjesë e delegacionit të kryeministrit Edi Rama në Baku ku morën pjesë në samitin te 10-të Korridorit Jugor të Gazit. Gjatë qëndrimit atje, Kadia nënshkroi së bashku me homologun etij marrëveshjen për heqjen e vizave me Azerbajxhanin, teks janë një sërë çështjet mes dy vendeve të cilat kërkojnë intensifikim të marrëdhënieve dy palëshe dhe bashkëpunim të mëtejshëm kryesisht në fushën e energjisë. Ndërkohë zëvendësministrja Artemis Malo pritet të propozohet nga qeveria për të shërbyer si ambasadore e Shqipërisë në Kanada. Këtë të mërkurë në komisionin e punëve të jashtme zhvilloi seancën dëgjimore edhe diplomati Ernal Filo, i cili pritet të marrë detyrën si ambasadori i parë i Shqipërisë në Ukrainë, në një kohë kur raportet mes dy vendeve janë të forcuara, për shkak të përkrahjes së palëkundur të Tiranës zyrtare ndaj Kievit pas fillimit të agresionit rus në Ukainë.