Rilindja urbane 2.0 u prezantua nga kryeministri Edi Rama si një ndërhyrje e domosdoshme në pushtetin vendor për të adresuar problematika të ujësjellës-kanalizimeve, transportit publik sidomos gjatë sezonit turistik, parkimet, zonat ish industriale, muzetë dhe start up-et. Rama: “Të hymë në një fazë ku gjenerata e re e mjeteve të transportit publik të jetë tërësisht e gjelbër, pra flasim për autobusë elektrikë të cilët kanë zero ndotje. Po ashtu do lancojmë edhe financiarisht do mbështesim një program për të krijuar kapacitete më domethënëse për parkimet. Një tjetër komponent janë zonat ish industrial, keme një plan të qartë pune me bashkitë, kemi edhe modele të krijuara që na japin mundësinë të kuptojmë si do i zhvillojmë. Elementi tjetër është ai i muzeve, deri tani është mbledhur informacioni nga bashkitë të cilat do të kenë një rol aktiv në këtë proces. Pa përmendur emra konkret, Rama nuk i fshehu kritikat për drejtues të pushtetit vendor në juglindje të vendit, të cilët sipas tij nuk qëndrojnë në bashkinë ku janë votuar, por kalojnë një pjesë të mirë të kohës në kryeqytet.