Kryeministri Edi Rama, ministri i Rindërtimit Arben Ahmetaj dhe kryebashkiaku Erjon Veliaj kanë inspektuar punimet në lagjen ‘ 5 maji’ në Tiranë, e cila pësoi dëmtime të mëdha nga tërmeti i 26 nëntorit. Lagjia 5 maji pritet të finalizohet në pranverën e vitit 2022. Projekti i lagjes 5 maji do të përfshijë krahas ndërtimit të banesave të dëmtuara nga tërmeti edhe 5 objekte publike. Ministri I Rindërtimit, Arben Ahmetaj tha se në lagjen e re të 5 majit do të strehohen 11 mijë banorë në 3500 apartamente, nga të cilat 1000 apartamente janë për banorët e prekur nga tërmeti të cilët do të alokohen nga zona të ndryshme të Tiranës. Gjithashtu në të do të jenë edhe 5 objekte publike ku përfshihet edhe një ministri, ajo e Financave ose e Bujqësisë. Në godinat e 5 majit do të pozicionohen edhe 3 objekte arsimore, një shkollë profesionale si dhe qendra franceze e edukimit të Teknologjisë Digjitale për rininë “ECOLE 42”, që do të ngrihet me mbështetjen e Presidentit francez Macron. Lagjja e re është projektuar nga arkitekti italian Stefano Boeri, për të qenë një tjetër pol i Kryeqytetit