Ndërhyrja e Albin Kurtit dhe Vetvendosjes në zgjedhjet në Shqiëpëri dhe Maqedoni të Veriut, duket se ka krijuar hatërmbetje mes tij dhe kryeministrit Edi Rama. Në një intervistë për mediat në Kosovë, Rama u shpreh: “ Albini është opozitar profesionist. Pres ditën kur Albini do dalë të protestojë kundër qeverisë së vet. I vetmi që mund ta rrëzojë Albin Kurtin, është vetëm Albin Kurti. Ai nuk përmbushet nga epshi i vet revolucionar dhe shkon në Maqedoni, vjen në Shqipëri. Unë s’e imagjinoj dot jo të shkoj të bëj degë në Kosovë, por s’e imagjinoj dot të futem, të them atje se çfarë bën Qeveria për popullin e Kosovës dhe çfarë nuk bën. Ditën që Albini ka ardhur të prezantojë kandidatët, ka ngrënë spageti me mua. Dhe do të hajë prapë kur të vijë të prezantoje kandidatët. Mua më thonë shpesh shqiptarët si mund ta trajtosh kështu vëllain e vogël. Vëllai i vogël bën edhe kështu dhe s’ke cka i bën”