Drafti që do i pamundësojë gjykatave pezullimin e anëtarëve të kabinetit qeveritar, konsiderohet nga kryedemokrati Berisha, një lloj mbrojtje ligjore që Rama i bën vetes, pas ultimatumit të mbërritur nga Brukseli. Berisha: “Sot, në monologun e tij të mashtrimit, Edi Rama lëshoi gënjeshtrën e radhës. Ai u tha qytetarëve se paska funksione të padelegueshme. I tmerruar nga ultimatumi i Brukselit, nga anulimi i të gjitha takimeve që kishte në Mynih, ai përsëri, njëlloj si i mbyturi, kapet me fijen e barit. Do të shohim një akt që s’e kemi parë kurrë ndonjëherë dhe nuk e kemi dëgjuar ndonjëherë. Deputeti Edi Rama paraqet në parlament amendamentin për të mbrojtur nga pezullimi, nga gjykatës apo kur e kapin në krim kryeministrin, Edi Rama.” Ish kryeministri Berisha u shpreh se në arkivin e qeverisë ka raste të delegimit të detyrave ministrore, ndaj sipas tij anëtarët e kabinetit nuk mundë të konsiderohen funksione të padelegueshme.