Kryeministri Rama mikpriti këtë të martë Presidentin e Këshillit të Europës, Antonio Costa, i cili vizitoi Tiranën, në kuadër të turit diplomatike, që po zhvillon në gjashtë vendet e Ballkanit Perëndimor, në prag të Samitit që do të mbahet më 5 qershor në Tivat të Malit të Zi. Në konferencën për shtyp dy Rama dhe presidenti i KiE, e vendosën theksin tek çështja e integrimit të vendit në BE. ne kemi dakordësi 100% në të gjitha çështjet. Kemi dakordësi 100% për sa i përket detyrave që ne duhet të bëjmë. Kemi dakordësi 100% për sa i përket domosdoshmërisë që të ecim me këtë ritëm dhe të fillojmë me mbylljen e kapitujve. Kemi dakordësi 100% që të bëjmë çmos që rajoni si i tërë të funksionojë si një kolektiv bashkëpunues dhe kemi dakordësi 100% që të gjitha këto janë më të lehta për faktin që në këtë rrugë ne s’jemi vetëm, por kemi një partner të jashtëzakonshëm siç është BE dhe kemi një burim të jashtëzakonshëm dijeje siç është procesi i negociatave dhe i ndërveprimit me Komisionin Europian. këto reforma më shumë sesa kushte të vendosura nga Bashkimi Europian, janë në fakt zgjedhje nga ana juaj për të ndërtuar institucione të forta demokratike. Që do të thotë, që një angazhim i vazhdueshëm, i prekshëm politik për sundimin e ligjit dhe për ruajtjen e një gjyqësori të pavarur dhe llogaridhënës, janë themele thelbësore për anëtarësimin në BE.Ju inkurajoj që të përshpejtoni përpjekjet tuaja për luftën kundër korrupsionit dhe krimit të organizuar. Gjatë konferencës Rama u pyet dhe për çështjen e Zvërnecit, ku theksoi se investimi nuk do të ndalet.