Pas deklaratave të kryeministrit Edi Rama se pas protestave për Zvërnecin fshihet një luftë hibride e orkestruar nga Irani, reagoi zëdhënësi i ministrisë së jashtme iraniane, Esmaeil Baghaei. "Ndoshta ata do të thonë se flamingot kanë të ngjarë të kenë qenë agjentë iranianë të sigurisë. Ky pretendim është një model stereotipik ku çdo organ qeverisës që dëshiron t'i afrohet regjimit sionist ngre akuza kundër Iranit. Megjithatë, populli shqiptar ka një nivel të lartë të të kuptuarit dhe e di se shmangie të tilla synojnë t'i shpëtojnë llogaridhënies ndaj popullit të tyre për veprime që populli shqiptar i konsideron si shitje të sovranitetit dhe dinjitetit të vendit të tyre.” – tha zëdhënësi i ministrisë së jashtme të Iranit.