Pas 5 vitesh, këtë të shtunë inaugurohet pas zjarrit shkatërrues Notre- Dame de Paris. Në një ceremoni madhështore Presidenti Manuel Macron do të jete mikpritësi I 40 liderëve botëror. Në mesin e tyre nga Shqipëria me ftesë të Macron I pranishëm do të jetë kryeministri Edi Rama që pritet të shoqërohet nga bashkëshortja Linda Rama. Sipas informacioneve zyrtare mësohet se Presidentja e Kosovës Vjosa Osmani po asshtu merr pjesë në inaugurimin e katedrales, Osmani do jetë e shoqëruar nga bashkëshorti. Por çfarë është parashikuar sipas agjendës? Festimet fillojnë rreth orës 19:00 me shfaqjen e një filmi për katedralen. Në platformën e lartë pranë katedrales do të ngrihet një zonë që mund të strehojë maksimumi 40 mijë njerëz. Në total, 6000 oficerë policie dhe xhandarë do të mobilizohen për të garantuar sigurinë. Ceremonia me 2500 të ftuar përfshin një fjalim të Macron në orën 19:20, i cili duhej të fliste në oborrin e kishës, por që për shkak të motit të keq fjalimi do të mbahet brenda. Dyert e katedrales do hapen në 20.15 dhe pas shërbesës fetare që do të zgjasë rreth 45 minuta, do të ketë një koncert të madh në shesh, i cili do të zgjasë nga ora 2.15 deri në 2.30 të mëngjesit. Pas së shtunës mesha dhe ceremonitë fetare do të rifillojnë normalisht. Madje, katedralja do të jetë e hapur deri në orën 22:00 gjatë javës së parë, me akses dhe rezervime falas në një platformë online.