Sali Berisha ka dalë në krah të protestuesve dhe ka dënuar krahasimin që kryeministri Rama u bëri atyre me falangat e Hitlerit. Në bashkëbisedimin me qytetarët në rrjetet sociale, kreudemokrat tha se Rama tashmë është I damkosur si kurrë më parë para shqiptarëve. Edi Rama është tashmë i damkosur si kurrë më parë para shqiptarëve dhe botës. Deklaron në mediat më të mëdha të botës me paturpësinë më të madhe se jemi në një luftë hibride duke aluduar kështu se Greqia apo ndonjë vend tjetër po bën gjithçka për të bllokuar investimet dhe turizmin, një idiotësi e pashoqe. I ndalur tek investimi në Zvërnec, Berisha akuzoi kreun e qeveisë se po fut në kurth vajzën dhe dhëndrin e presidentit amerikan Donald Trump, për qëllimet e tij, pasi, sipas tij, fshehu hetimin që po bëhej. Zbuloi se Zvërneci po hetohej prej një viti nga ai organ që ka dy vepra penale në hetim, korrupsionin e lartë dhe krimin e organizuar. Pra, në një dosje ku prokuroria shqiptare kishte nisur hetimet për krim të organizuar ose korrupsion në nivelet më të larta, zotëria e tij jepte lejen e zhvillimit për kompaninë duke shpresuar se autoriteti i zotit Kushner dhe vajzës do të mjaftonin për të mbyllur çdo dosje.