Përmes një reagimit të gjatë në rrjetet sociale, Kryeministri Edi Rama ka folur sërish për projektet për resortet turistike në Zvërnec dhe Sazan. Rama thotë në reagim se ofron fakte jashtë kanaleve të turbullta të internetit dhe një pasqyrë për të gjithë përgojuesit e shtetit shqiptar. Sqarimin e nis me Sazanin për të cilin tha se investitorët po vazhdojnë punën me studimet zhvillimore, por akoma nuk kanë paraqitur projektin arkitektonik dhe studimin përkatës mjedisor. Dubel rama - Forma e vendosjes në dispozicion të kësaj toke shtetërore për ta kthyer në një destinacion turistik të nivelit më të lartë, është menduar nëpërmjet pjesëmarrjes së shtetit në investim. Bazuar në një proces të detajuar negociatash, shteti do të marrë kuota si palë e përfshirë, ndërsa ishulli do të mbetet gjithnjë pronë e shtetit shqiptar. Negociatat janë ende të hapura dhe nuk ka ende asnjë marrëveshje përfundimtare. Reagimi vazhdon me Zvërnecin, ku Rama thotë se bëhet fjalë për një investim në pronë private, ku pretendimet për tokën nuk janë pengesë për të vijuar me punën.