Në nisje të episodit të 8-të, të këtij sezoni të Podkastit “Flasim”, Kryeministri Rama teksa bëri përmbledhjen e çështjeve më të rëndësishme të javës, u ndal dhe tek rasti I pezullimit nga detyra nga ana e GJKKO të numrit dy të qeverisë, Belinda Balluku. Rama edhe njëherë përsëriti qëndrimin e tij se gjykatat nuk duhet të pezullojnë anëtarë të qeverisë, sepse duke bërë këtë, sipas tij, cënojnë balancën e pushteteve. Për sa kohë një ministër është figurë politike, pjesë e ekzekutivit, përgjegjës para Parlamentit dhe Kryeministrit, nëse gjykata e pezullon, ajo praktikisht: • ndërhyn në punën e qeverisë, • ndërron përbërjen e ekzekutivit, • merr kompetenca që i takojnë Kryeministrit dhe Presidentit. Dhe kjo konsiderohet nga Venecia shkelje e palejueshme e kufirit ndarës mes pushteteve. Për kryeministrin GJKKO përmes këtij veprimi I hap rrugë: presioneve politike ndaj qeverisë, destabilizimit institucional dhe manipulimit të ekzekutivit përmes proceseve penale. Ai theksoi gjithsahtu se ministrat kanë funksione politike, jo administrative, ndërsa iu referua dhe qëndrimit të Komisionit Të Venecias.