Kryeministri Edi Rama gjatë një takimi me të rinjtë në Tiranë ka folur sërish edhe për patronazhistët, personazhe që u bënë të njohur ditët e fundit pas publikimit të të dhënave personale të 910 mijë shtetasve të qarkut të tiranës. Rama në reagimin e tij theksoi se patronazhistët nuk janë një shpikje e PS-së, por se është një model i marrë nga dy partitë më të mëdha, si Partia Republikane dhe Partia Demokratike në SHBA. Rama i i ka ktheyer përgjigje presidentit Ilir Meta, i cili tha se “patronazhistët janë fuksa”, dhe se kjo është një gestapo e kohëve moderne e krijura nga PS . E tha lali ju jeni patronazhistë, si ju ka plot të tjerë, në këto ditë kjo fjalë sigurisht është lakuar shumë., por prej disave përdoret si fjalë për të krijuar idenë e një gogoli që ka dalë nëpër Tiranë dhe vazhdon kontrollon njerëz. Patronazhisti nuk është një figurë që u shpik në Shqipëri, nuke krijuam ne. Patronazhist është figura kyçe e historisë së zgjedhjeve dhe historisë së përballjeve mes dy partive më të mëdha të botës, asaj Republikane dhe Demokratike nga SHBA. Patronazhisiti angazhohet që aty ku jeton dhe i kërkohet të trokasi në një numër të caktuar dyersh, të kontaktojë me një numër të caktuar familjesh, dhe të mbajë shënim se çfarë perceptimi ka nga ata që kontakton, janë majtas djathtas, janë të lëkundur të vendosur. Le të thonë ç’të duan ata se atë punë kanë, patronazhimi është klasa e parë e shkollës së madhe politike, ku kush ambicien për të shkuar në klasa më të larta e fillon nga patronazhimi.