Publikimi I pagave të më shumë se 650 mijë shqiptarëve ishte një nga skandalet më të mëdha që tronditi mbarë opinionin publik vitin e kaluar. Kjo temë vijon të jetë e nxehtë e të diskutohet gjërë e gjatë në të gjitha mediat, si skandali I dytë më I madh pas patronazhistëve ku po ashtu u publikuan të fhenat personale të qindra qyetarëve. Këtë të hënë qeveria ka miratuar memorandumin e mirëkuptimit me grupin “Jones International”, për forcimin e sigurisë kibernetike të infrastrukturës kritike për Shqipërinë. Marrëveshja synon të përforcojë sistemet elektronike të Shqipërisë, që përgjatë vitit të kaluar u goditën nga dy skandalet e publikimit të të dhënave, fillimisht me atë që u njoh si skandali i “Patronazhistëve” dhe më pas me publikimin e listëpagesave të muajve janar e prilll dhe të targave. Kompania në fjalë është themeluar nga gjenerali amerikan, James Logan Jr. Ministrja e Infrastrukturës, Belinda Balluku u takua me Jones dhe u shpreh se “ai është i gatshëm të punojë me qeverinë shqiptare për mbrojtjen kibernetike”. As Balluku dhe as në vendimin e Qeverisë nuk thuhet për momentin se sa do të jetë kostoja e këtij bashkëpunimi me kompaninë amerikane.