Pavarësisht kritikave të Fondit Monetar Ndërkombëtar për paqen fiskale, kryesocialisti Edi Rama shfaqet besimplotë se kjo nismë e përfshirë në projektin e buxhetit të vitit 2026 do të sjellë stabilitet në mbledhjen dhe realizimin e të ardhurave. Do të thotë që të gjitha kompanive do t’u ofrojmë mundësinë që të merren vesh me administratën tatimore për të përcaktuar në mënyrë të ndershme rritjen e të ardhurave dhe për të rënë dakord për tatimin që do të paguajnë mbi fitimin. Kjo do të thotë që, kështu, ata do të shmangin kontrollet; kështu do të vazhdojnë qetësisht punën pa pasur ngarkesa të tjera të natyrës burokratike dhe, po ashtu, edhe përsa i përket qeverisë, do të jetë në gjendje të ketë një stabilitet në mbledhjen dhe në realizimin e të ardhurave që do t’i përgjigjet rritjes së ekonomisë dhe që do të sjellë patjetër edhe më shumë mundësi për të vazhduar për të investuar më shumë.