Partia Demokratike e konsideron vendimin e Kryeministrit Edi Rama për të kundërshtuar në Gjykatën Kushtetuese pezullimin nga detyra të zëvendëses së tij, Belinda Balluku si hap pas në demokracinë e vendit dhe provë se Rama është bashkëpunëtor në abuzimet me tenderat. Ka një arsye pse Edi Rama nuk mundet ta bëjë këtë: Belinda Balkuku e ka ulur në gjunjë dhe e shantazhin me aferat e përbashkëta të abuzimit me pushtetin. Pra sot kemi një lajm të keq shumë të madh. Në vend që të mbrojë interesat e shqiptarëve, kryeministri i vendit zyrtarisht është avokat i një të pandehur për abuzime me tenderat publikë. Pse nuk ka fuqi Edi Rama që ta shkarkojë Belinda Ballukun, por sfidon drejtësinë, sfidon shqiptarët dhe përbuz parimet themelore të vendeve demokratike perëndimore? Përgjigja është vetëm një: Ai është në krye të çdo afere të madhe korruptive në vend. Edi Rama dhe Belinda Balluku janë bashkë në aferën e Tunelit të Llogarasë. Bardhi tha se tenderi i paracaktuar i tunelit të Llogarasë me 190 milionë euro është vetëm maja e ajsbergut për aferat e përbashkëta Rama-Balluku.