Irani ka sulmuar për herë të parë objektivat amerikane me raketa elektro-optike. Teherani tha se sulmoi 10 anije amerikane të mërkurën dhe qëlloi raketa balistike në një bazë në Jordani pasi SHBA-të shkatërruan pesë cisterna iraniane nafte. Komanda Qendrore Amerikane tha se sulmet e saj ishin në përgjigje të Gardës Revolucionare Islamike të Iranit që synonte anijet luftarake të marinës amerikane. Asnjë amerikan nuk u lëndua, vijoi deklarata. Zyrtarët iranianë kanë pretenduar se po përdorin raketa të reja me karakteristika të përparuara për të synuar anijet luftarake. Bëhet fjalë për raketa elektro-optike, që përdorin kamera dhe sensorë drite për të parë, ndjekur dhe goditur objektivat me saktësi të lartë. Teherani zbuloi “Kassem Bassir”, një raketë të re balistike me rreze të mesme veprimi me këtë teknologji, vitin e kaluar. Raketa me lëndë djegëse të ngurtë ka një kokë luftarake afërsisht gjysmë ton, të ndërtuar për saktësi dhe për depërtimin e mbrojtjes dhe më pas shpërthen. Megjithatë, SHBA mohon se në sulmin e fundit këto raketa kanë qenë të sukesshme.