Grupi Hezbollah i cili operon në Liban i mbështetur nga Irani tha se hodhi raketa Katyusha në Izrael të premten në hakmarrje ndaj sulmeve që lanë të vrarë dy persona tha media shtetërore. Izraeli dhe aleati i Hamasit, Hezbollahu, kanë shkëmbyer zjarre thuajse të përditshme ndërkufitare pas sulmit të grupit palestinez më 7 tetor në Izraelin jugor që shkaktoi luftë në Gaza. Luftëtarët e Hezbollahut qëlluan "një breshëri raketash Katyusha" në veriun e Izraelit "në përgjigje të sulmeve të armikut izraelit ndaj... civilëve, së fundmi në Tayr Harfa", tha grupi në një deklaratë. Të paktën 402 njerëz janë vrarë në Liban gjatë shtatë muajve të dhunës ndërkufitare, kryesisht militantë, por duke përfshirë edhe 79 civilë, sipas një raporti të AFP. Izraeli thotë se 14 ushtarë dhe nëntë civilë janë vrarë në anën e tij të kufirit. Tre nga ushtarët u vranë këtë javë, njëri prej tyre të mërkurën. Dhjetëra mijëra njerëz janë zhvendosur nga të dyja anët.