Rusia kreu të premten sulme të reja në Harkiv, duke lënë të vdekur të paktën dy njerëz, përfshirë një fëmijë 10-vjeçar, thanë autoritetet ukrianase në rajonin e Harkivit. Një ditë më parë, në këtë rajon u vranë dhjetëra persona, si pasojë e sulmeve ruse. Sulmet në Hroza afër Harkivit përbëjnë një prej më vdekjeprurësve mbi civilët. Një dhjetëvjeçar dhe gjyshja e tij 68-vjeçare janë vrarë ndërsa 28 persona të tjerë janë plaogusur, tha kryebashkiaku i Harkivit, Ihor Terekhov. Në mesin e të plagosurve është edhe vëllai 11-muajsh i djaloshit të vrarë. Guvernatori rajonal, Oleh Siniehubov, tha se sipas të dhënave të fundit, dy raketa Iskander goditën Kievin dhe rajonin Osnovyan të Harkivit, një qytet ky me 1.4 milion banorë. Pretendimet e tij nuk janë veritifikuar në mënyrë të pavarur. Komisionerja e Lartë e Kombeve të Bashkuara për të Drejtat e Njeriut, Elizabeth Throssell, tha se ka dërguar një ekip për të hetuar sulmin në Hroza. Presidenti ukrainas, Volodymyr Zelensky tha në anën tjetër se sulmi ishte “terrorist”, ndërsa Shtëpia e Bardhë e quajti sulmin “të tmerrshëm për njerëzit e Ukrainës”. Organizata e kombeve të Bashkuara ka kërkuar që sulmet të ndalen menjëherë.