Një raketë e SpaceX është në kurs përplasjeje me hënën pasi ka kaluar thuajse shtatë vite duke u endur në hapësirë. Ekspertët thonë se mjeti që u nis në hapësirë nga Florida, në shkurt të 2015-ës, është pjesë e një misioni ndërplanetar për të dërguar një satelit hapësinor moti në një udhëtim miliona kilometërsh. Por pasi ka përfunduar misionin duke nisur satelitin drejt asaj që njihet si pika Lagrange, një pozicion me gravitet neutral katër herë më larg se hëna dhe në linjë direkte me diellin, raketa nuk mundi të kthehej në tokë pasi nuk pati karburant të mjaftueshëm për ta bërë këtë por edhe i mungonte energjia për ti shpëtuar gravitetit të sistemit tokë-hënë. Në këtë mënyrë, ajo ka ndjekur një orbitë kaotike që nga shkurti 2015. Ekspertët besojnë se raketa, që peshon katër tonë, është në kurs për tu përplasur me hënën, me një shpejtësi prej 2.52 km në sekondë dhe kjo mund të ndodhë brenda pak javësh.